Роҳҳои Кўлоб таҷдид мегарданд
Душанбе, 30 октябр.(АМИТ «Ховар», Марзия Саидова).-Ояндаи наздик беш аз 40 км роҳҳои 22 кўчаву маҳаллаҳои шаҳри Кўлоб таҷдид мегарданд. Таъмиру таҷдиди роҳҳои шаҳри бостонии Кўлоб дар ҳамоҳангии Вазорати рушди иқтисод ва савдои Ҷумҳурии Тоҷикистон ва вазорати тиҷорати Ҷумҳурии Мардумии Чин тибқи як лоиҳа таҳия гардида, сурат мегирад, ки барои анҷоми он 7 миллион доллари амрикоӣ ҷудо шудааст. Алҳол мутахассисони Пажуҳишгоҳи лоиҳакашӣ-таҳқиқотии роҳи сеюми оҳани ҷамъияти саҳомии «Групп»-и Чин дар Кӯлоб таҳқиқи роҳҳоро анҷом медиҳанд. Озодӣ Ҳасанов, муовини раиси шаҳри Кӯлоб мегўяд, ки ҳамасола аз буҷаи маҳаллӣ барои таъмири ҷорӣ ва пурраи роҳҳои нақлиётгарди шаҳри Кӯлоб маблағ ҷудо мешавад, аммо барои таъмири пурра ва навсозии роҳҳо ин маблағ кофӣ нест. Бояд тазаккур дод, ки дар шаҳри Кўлоб 51 км роҳи мошингард мавҷуд аст, ки бештари он ба таъмир ниёз дорад. Ҷониби Чин дар мавриди татбиқи лоиҳа тасмим гирифтааст, ки барои корҳои лоиҳакашӣ мутахассиони чиноӣ ва барои корҳои сохтмонӣ ва таҷдиди роҳҳо аз нерўи коргарони маҳаллӣ истифода хоҳад кард. Тибқи лоиҳаи мазкур роҳҳои таҷдидшаванда аз лиҳози фарохӣ, равшанӣ, обпартоҳои бари роҳ ва роҳравҳо аз роҳҳои қаблӣ ба кулли тафовут хоҳад дошт.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
