Ҷаласаи байниҳукуматии Тоҷикистону Лаҳистон
Душанбе, 13 ноябр. (АМИТ «Ховар»). – Ҳафтаи гузашта дар шаҳри Варшава ҷаласаи сеюми Комиссияи байниҳукуматии Тоҷикистону Лаҳистон оид ба ҳамкории иқтисодӣ баргузор гардид.Аз ҷониби Ҷумҳурии Тоҷикистон дар кори ҷаласа муовини вазири рушди иқтисод ва савдо Умед Давлатзод, раиси Кумитаи кор бо ҷавонон, варзиш ва сайёҳии назди Ҳукумати ҶТ Маликшоҳ Неъматов, сафири Тоҷикистон дар Лаҳистон Имомуддин Сатторов иштирок доштанд. Роҳбарии ҳайати Лаҳистон иборат аз роҳбарони ниҳодҳои мухталифи вазорату идораҳо ва намояндагони ширкатҳои калонтарини ин кишварро муовини вазири иқтисоди Лаҳистон Анҷей Диха ба ӯҳда дошт.Дар ҷараёни ҷаласа вазъу дурнамои ҳамкории иқтисодии Тоҷикистону Лаҳистон мавриди баррасӣ қарор гирифта, самтҳои мушаххаси ҳамкории ҷонибҳо дар бахшҳои мухталифе, ки диққати тарафайнро ба худ ҷалб менамоянд, муайян карда шуданд.Ҳангоми ҷаласа Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Лаҳистон дар бораи ҳамкорӣ дар бахши сайёҳӣ имзо гардид.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
