Дастовардҳои ширкати FINKА дар Тоҷикистон

Душанбе, 12 ноябр. (АМИТ «Ховар», Лутфия Эшонқулова). – Дар шаҳри Душанбе маросими ифтитоҳи расмии бинои нави идораи асосии ширкати FINKА дар Тоҷикистон баргузор гардид. Тавре ки дар маросими ифтитоҳи бинои нави ширкати мазкур зикр шуд, дар ҳоли ҳозир ширкати молиявии байналмилалии FINKА дар Тоҷикистон барномаи ҳаҷман калонро ҷиҳати таҷдид ва дорои меъёри ягонаи идораҳои минтақавӣ гардонидани биноҳои намояндагиҳо ва афзун намудани намудҳои маҳсулоти пешбаришавандаро роҳандозӣ мекунад.Фаъолияти асосии ширкати FINKА иборат аз хидматрасонии молиявии соҳибкорони камдаромад ба манзури барпо намудани ҷойҳои корӣ ва баланд бардоштани сатҳи зиндагии онҳо мебошад.Ширкати FINKА беш аз 9 сол боз дар ҳудуди Тоҷикистон фаъолият дошта, сазовори боварии муштариён гардида, ба онҳо қарзҳои зиёде додааст. Алҳол дар ҷумҳурӣ 34 идораи ширкати мазкур фаъолият доранд, ки ба 26 ҳазор нафар муштариён хидмат мерасонанд.