Кӯдакон ба ихтиёри модаркалон супорида шуданд

Душанбе, 2 ноябр. (АМИТ «Ховар»,Фарзона Достонзода).–Ду шаҳрванди ноболиғи Ҷумҳурии Тоҷикистон, ки дар хонаи кӯдакон қарор доштанд, бино ба мусоидату ёрии Сафорати Ҷумҳурии Тоҷикистон дар Федератсияи Россия, ба ихтиёри модаркалонашон супорида шуданд.Чанде пеш, баъди фавти шаҳрванди Ҷумҳурии Тоҷикистон Фозилова Зарина Давроновна дар шаҳри Фрязинои вилояти Москва, ду фарзанди ӯ — Хадича (соли таваллудаш 05.05.2009) ва Зоира (соли таваллудаш 19.04.2010) бепарастор монданд.Тавре ки ба АМИТ «Ховар» аз хадамоти матбуоти Сафорати Ҷумҳурии Тоҷикистон дар Федератсияи Россия хабар доданд,он ду кӯдак ба хонаи бачаҳои ш. Фрязино супорида шуда, мақомоти дахлдори маҳаллӣ, муроҷиату хоҳиши модаркалони онҳо – Мафтуна Абдуллоеваро дар иртибот ба ихтиёри ӯ вогузор кардани тарбияву парвариши онҳо, бо сабабҳои гуногун, кашол медоданд.