Муборакбодии Президент

Душанбе, 9 ноябр. (АМИТ «Ховар», Лутфия Эшонқулова). – Дар арафаи иди касбӣ — Рӯзи милисаи тоҷик ба кормандони мақомоти корҳои дохилӣ, ки ҳангоми иҷрои вазифаҳои хидматиашон натиҷаҳои хуб ба даст овардаанд, ҳамчунин ба собиқадорон, оилаҳои кормандони ҳалокшуда ва камбизоат аз номи Президенти Ҷумҳурии Тоҷикистон Эмомалӣ Раҳмон тӯҳфаҳои қиматбаҳо ва мукофотҳои пулӣ супурда шуданд.Тӯҳфаю мукофотҳоро вазири корҳои дохилии ҶТ Рамазон Раҳимов дар вазъияти ботантана супурд.Ҳамчунин дар мақомоти корҳои дохилии шаҳру вилоятҳои ҷумҳурӣ ба ифтихори Рӯзи милиса чорабиниҳои тантанавӣ баргузор гардида, роҳбарони раёсату шӯъбаҳои Вазорати корҳои дохилӣ кормандони соҳаро муборакбод карда, онҳоро аз номи Президенти Ҷумҳурии Тоҷикистон бо мукофотҳои пулӣ ва инъомҳои қиматбаҳо сарфароз гардониданд.