Роҳхат ба лигаи олӣ

Душанбе, 13 ноябр. (АМИТ «Ховар»). – Мусобиқоти Тоҷикистон байни дастаҳои лигаи якум оид ба футбол бо ғалабаи дастаи «Панҷшер» — и ноҳияи Ҷалолиддини Румӣ анҷом ёфт. Футболбозони дастаи «Саройкамар» — и ноҳияи Панҷ соҳиби медалҳои нуқра гардида, бозингарони дастаи «Ҳулбук» — и ноҳияи Восеъ мақоми сеюмро касб намуданд.Ҳар се дастаи зикршуда соли оянда дар лигаи олии Тоҷикистон қувваозмоӣ мекунанд. Дар ин бора аз Федератсияи футболи Тоҷикистон ба АМИТ «Ховар» хабар доданд.