Теъдоди муштариёни кортҳои пластикӣ меафзояд

Душанбе, 15 ноябр. (АМИТ «Ховар», Фирӯза Давлатова). –Дар кишвар истифодаи кортҳои дохилӣ нисбат ба соли 2011 94 фоиз афзудааст. То 1-уми ноябри соли 2012 дар Тоҷикистон ва берун аз он маблағи 5 536 ҳазор кортҳои пардохтӣ 2 398,3 миллион сомониро ташкил дод, ки нисбат ба соли гузашта мувофиқан 67 фоиз ва аз рӯи миқдори амалиёт 60,1 фоизро дар бар мегирад.  Тибқи иттилои Бонки миллӣ, муштариёни «Амонатбонк» — 41, «Тоҷиксодиротбонк» — 29, «Агроинвестбонк» — 18, «Ориёнбонк» — 5, «Эсхата» — 4 ва дигар бонку ташкилотҳои молӣ 4 дарсад амалиёти бонкии худро аз тариқи кортҳои пластикӣ анҷом додаанд.Мавриди зикр аст, ки дар Тоҷикистон 9 ташкилоти қарзӣ ба барориши кортҳои пардохтӣ машғул мебошанд. Теъдоди муштариёне, ки аз кортҳои пардохтӣ истифода мекунанд, тайи як соли охир ҳудуди 80 дарсад афзудааст. Ёдовар бояд шуд , ки низоми пардохти кортӣ аввалин маротиба дар Тоҷикистон аз соли 2008 бо ташаббуси «Агроинвестбонк» мавриди истифода қарор гирифтааст.