10 декабр — Рӯзи байналмилалии футбол

Душанбе, 11 декабр. (АМИТ «Ховар»). – Бо қарори Созмони Милали Муттаҳид ҳар сол 10 декабр чун Рӯзи байналмилалии футбол таҷлил мешавад.Дар Тоҷикистон рушди бахши футбол солҳои 20 – уми қарни гузашта дар ноҳияҳои шимолии ҷумҳурӣ оғоз ёфта буд. Соли 1937 нахустин мусобиқоти Ҷумҳурии Тоҷикистон оид ба футбол баргузор гардид, ки дар он беш аз 20 дастаи футбол иштирок доштанд. Динамочиёни шаҳри Сталинобод аввалин қаҳрамони ҷумҳурӣ гардида, ҷойҳои 2 – юм ва 3 – юмро дастаҳои «Спартак» — и шаҳри Сталинобод ва «Динамо» — и ноҳияи Кирообод ишғол намуда буданд.Дар ин бора аз Федератсияи футболи Тоҷикистон ба АМИТ «Ховар» хабар доданд.