Ҳамоиши минтақавӣ дар Кобул

Душанбе, 11 декабр. (АМИТ «Ховар», Лутфия Эшонқулова). – 10 декабр дар шаҳри Кобули Ҷумҳурии Исломии Афғонистон ҳамоиши минтақавӣ таҳти унвони «Тасири гардиши ғайриқонунии маводи нашъаовар ба ҷомеаи Афғонистон ва кишварҳои ҳамсояи он» ба кораш шурӯъ намуд.Ҷумҳурии Тоҷикистонро дар ин чорабинӣ муовини директори Агентии назорати маводи нашъаовари назди Президенти ҶТ Бунафша Одинаева намояндагӣ мекунад.Тавре ки аз Агентии назорати маводи нашъаовар ба АМИТ «Ховар» хабар доданд, мақсад аз ин ҳамоиш муоҳкимаи масоили марбут ба ҷилавгирии нашъамандӣ, ҳамчунин роҳандозии саъю кӯшишҳои муштараки давлатҳои минтақа барои ҷилавгирии ҷинояткориҳои марбут ба гардиши ғайриқонунии маводи нашъаовар мебошад.Ҳамоиши минтақавиро Вазорати мубориза бо маводи нашъаовари Ҷумҳурии Исломии Афғонистон ва Раёсати СММ оид ба маводи нашъаовар ва ҷинояткорӣ дар Афғонистон рӯи кор овардаанд.