Нашри луғати тоҷикӣ-қирғизӣ

Хоруғ, 10 декабр. (АМИТ «Ховар», Л.Додо). – Дар ноҳияи Мурғоб ба омӯзиши забони давлатӣ эътибори ҷиддӣ медиҳанд. Имрӯз қариб дар саросари ноҳия таҳти сарпарастии донандагони забонҳои қирғизию тоҷикӣ маҳфилҳои омӯзиши забони давлатӣ фаъолият доранд. Дар дӯконҳои китобфурӯшии ВМКБ луғати тоҷикӣ — қирғизӣ дар фурӯш аст, он дар шаҳри Ӯши Ҷумҳурии Қирғизистон интишор ёфта, нахустин луғати тоҷикӣ-қирғизӣ ба шумор меравад. Ин луғатро узви Иттифоқи журналистони Тоҷикистон, сармуҳаррири рӯзномаи «Сарикол» Султон Парманов таҳия намудааст. Ба ақидаи таҳиягари луғати мазкур он ба сокинони қирғизтабори Мурғоб ҷиҳати хубтар омӯхтани забони давлатӣ мусоидат мекунад.