Пешгирии нашъамандӣ

Кӯлоб, 21 декабр. (АМИТ «Ховар», Ф.Мадаминов). – Шуъбаи дар Кӯлоб будаи раёсати Агентии назорати маводи нашъаовари назди Президенти Тоҷикистон дар вилояти Хатлон то имрӯз дар байни ҷавонон ва наврасон дар ҳамбастагӣ бо Кумитаи ҷавонон, варзиш ва сайёҳии шаҳр ва минтақа вохӯрӣ, озмун ва мусобиқаҳои варзиширо гузаронид. То ин муддат 12 маротиба номгӯйи мазкур таҳти унвони «Нашъамандӣ ва зарари он», «Ҳаёти солим», озмунҳои расмкашӣ, расми беҳтарин ва иншои беҳтарин гузаронида шуд ва ғолибон бо тӯҳфаҳои хотиравӣ сарфароз гардиданд. Кормандони Агентӣ миқдори зиёди маводи нашъаовар, аз қабили героин, ниҳоли бангдона, ҳашиш мусодира шуд. Ҳамзамон дар натиҷаи гузаронидани рейди муштарак ба дорухонаҳо 104 адад фенобарбитал, 7 дона диазолин дарёфт намуда гирифта шуд ва нисбат ба вайронкунандагони қонуни фурӯш ва истеъмоли доруҳо тибқи қарори Ҳукумати Ҷумҳурии Тоҷикистон парвандаи ҷиноӣ оғоз карда шуд.