Тоҷикистон ба СУС ворид шуд
Маскав, 13 декабр. (АМИТ «Ховар», Ҳалима Хушқадамова). – Сафири Ҷумҳурии Тоҷикистон дар Беларус, намояндаи доимии ваколатдори Ҷумҳурии Тоҷикистон дар мақомоти барномавӣ ва мақомоти дигари ИДМ Қ.Қоимдодов дар ҷараёни ҷаласаи намояндагиҳои доимии давлатҳои аъзои Иттиҳод ба иштирокдорони ҷаласа хабар дод, ки 12 декабр Тоҷикистон ба Созмони Умумиҷаҳонии Савдо шомил гардид. Дар ҷаласа раиси Кумитаи иҷроия – Муншии иҷроияи ИДМ С. Лебедев, муовини аввали ӯ В. Гаркун , намояндагони доимии давлатҳои аъзои Иттиҳод ва васоити ахбори оммаи кишварҳои аъзои Иттиҳод иштирок доштанд. Сафир зимни суханрониаш аз раванди воридшавӣ мухтасар маълумот дода, зикр намуд, ки Президенти кишвар Эмомалӣ Раҳмон воридшавӣ ба Созмони Умумиҷаҳонии Савдоро воқеаи муҳими таърихи навини Тоҷикистон маънидод кард, ки он таҳкурсии мустаҳками рушди минбаъдаи устувори иҷтимоию иқтисодиро мегузорад.Сафир ҳамзамон зикр намуд, ки яке аз шартҳои узвият ба ин созмони иқтисодӣ мавҷудияти сарҳади умумӣ бо давлати узви иттиҳоди гумрукӣ мебошад.Дар ин бора аз Сафорати Ҷумҳурии Тоҷикистон дар Ҷумҳурии Беларус ба мухбири махсуси АМИТ «Ховар» дар Федератсияи Русия хабар доданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
