Вагонҳои нави мусофирбар

Душанбе, 26 декабр. (АМИТ «Ховар», Людмила Дубинина). – 25 декабр 15 вагони нави мусофирбар дар вазъияти ботантана ба Корхонаи воҳиди давлатии «Роҳи оҳани Тоҷикистон» супурда шуд. Вагонҳои нав дар заводи вагонсозии шаҳри Крюкови Украина сохта шудаанд. Дар маросими ботантана сардори корхонаи Воҳиди давлатии «Роҳи оҳани Тоҷикистон» Амонулло Ҳукуматулло, раиси раёсати Ҷамъияти саҳҳомии «Заводи вагонсозии Крюков» Евгений Хворост, вазири нақлиёти ҶТ Низом Ҳакимов, Сафири Украина дар Тоҷикистон Виктор Никитюк сухан карданд.Вагонҳои навтарини мусофирбар ҷавобгӯи ҳамаи талаботи имрӯзаи амнияти харакат, ҳифзи меҳнат ва бехатарии экологию мусофирон мебошанд. Дар хотима Амонулло Ҳукуматулло ва Евгений Хворост санади рамзии қабули вагонҳои мусофирбар ва созишномаи ҳусни тафоҳум ва ҳамкориро имзо намуданд.