Дар Восеъ ҳолати роҳҳо хуб аст

Кӯлоб, 8 январ.(АМИТ «Ховар», С.Холов). – Бориши барфи зиёд дар соли ҷорӣ ба кормандони муассисаҳои давлатии нигаҳдории роҳҳои минтақаи Кӯлоб мушкилии гарон пеш наовард, зеро кормандони муассисаҳои нигаҳдории роҳҳои шаҳру ноҳияи Кӯлоб ва ноҳияи Восеъ аз оғози сол барои зимистонгузаронӣ омодагии хуб диданд. Ҳамасола дар шоҳроҳи Душанбе — Кӯлоб бар асари боридани ҳамин миқдор барф ҳаракати нақлиёт қатъ мегардид, вале имсол роҳсозон ин монеаро бартараф сохтанд. Тамоми техника ва кормандони Муассисаи нигаҳдории роҳҳои ноҳияи Восеъ дар шоҳроҳ ва дигар роҳҳои дар тавозунашон буда фаъолият карда, ҳаракати мунтазами нақлиётро таъмин намуданд.