ХМК мушкили шуморо осон мекунад

Душанбе, 10 январ (АМИТ «Ховар» Мавзуна Бойева) — Корхонаҳои тобеи КВД «Хоҷагии манзилию коммуналӣ» дар давраи ҳисоботӣ баҳри омодагӣ ба мавсим чунин корҳоро иҷро намуданд: 25300 метри мураббаъ боми хонаҳои истиқоматӣ, 6862 метр қубурҳои оби нӯшиданӣ, 29,7 ҳазор метри мураббаъ роҳу роҳравҳо, 33,9 км хатҳои барқро таъмир карда, 690 адад дару тирезаро таъмир ва 2005 метри мураббаъ тиреза шишабандӣ шуда, 233 адад таҳхонаҳо аз об тоза ва таъмир бароварда шуданд. Ғайр аз ин корхонаҳои системаи обтаъминкунӣ таъмири ҷории 145 адад лӯлаҳои обкаш, 78 адад таҷҳизоти барқии муҳофизати заминӣ, 40 адад трансформаторро ба анҷом расонида, 100 км чоҳҳо ва хатҳои канализатсияро тоза карда, барои безараргардонии оби нӯшиданӣ 31 тонна хлор захира намуданд,- зикр шуд имрӯз зимни нишасти матбуотии КВД «Хоҷагии манзилию коммуналӣ».