Имтиёз- омили асосии зиёд ворид шудани гандум

Душанбе, 24 январ. (АМИТ «Ховар» Зарагнез Латифова).- Дар нишасти хабарие , дар Вазорати рушди иқтисод ва савдои Ҷумҳурии Точикистон баргузор гардид, Ҳамдам Тағоймуродов- сардори Хадамоти зиддиинҳисории назди Ҳукумати Ҷумҳурии Тоҷикистон ба рӯзноманигорони ВАО омили асосии зиёд ворид шудани гандум ба ҷумҳуриро аз бархурдор шудани соҳибкорони ватанӣ ба имтиёзе , ки Ҳукумати Ҷумҳурии Точикистон ба истеҳсолкунандагони орд ва гандум дар бобати пардохти андоз аз арзиши иловашуда дар андозаи 10 фоиз додааст, вобаста донист. Зикр гардид, ки аз тарафи субъектҳои хочагидори ватанӣ 1 млн. 186 ҳазор тонна орд истеҳсол шудааст. Дар ҳамин давра ба ҷумҳурӣ 345,4 ҳазор тонна орд бо нархи миёнаи 368 доллари ИМА барои 1 тонна ворид шудааст. Ҳаҷми умумии бозори молии орд бо назардошти истеҳсоли худӣ 1 млн. 531, 4 ҳазор тоннаро ташкил медиҳад.