Кӯмаки моддӣ ба кӯдакистон
Душанбе, 30 январ. (АМИТ «Ховар», Дилшодаи Хайруллоҳ).-Бо иқдоми Вазорати энергетика ва саноати Ҷумҳурии Тоҷикистон КВД «Гӯшту шир» ва як қатор корхонаҳои соҳаи коркарди гӯшту шир- ҶСП «Комбинати гӯшту консерва», Комбинати шири Душанбе, Фабрикаи шири «Саодат» ба кӯдакистони шаҳри Турсунзода кӯмаки моддӣ расониданд.Ин кӯмак аз маҳсулоти гӯшту шир, аз қабили қаймоқ, шири тоза, намудҳои гуногуни ҳасибҳо, маводи ғизоӣ, ғаллагӣ, нон ва макарон иборат мебошад. Қобили тазаккур аст, ки дар доираи Амри Президенти Ҷумҳурии Тоҷикистон оид ба расонидани кӯмаки доимии моддию молиявӣ ба маъюбону пиронсолон, иштирокчиёни Ҷанги Бузурги Ватанӣ, оилаҳои камбизоат, хона-интернатҳо ва муассисаҳои иҷтимоӣ Вазорати энергетика ва саноати Ҷумҳурии Тоҷикистон ба хонаи кӯдакони деҳаи Танобчии ноҳияи Темурмалик мунтазам кӯмак расонида, кӯмаки навбатӣ ба кӯдакистони ноҳияи Турсунзода иқдоми иловагӣ мебошад. Дар ин бора аз котиботи Вазорати энергетика ва саноати Ҷумҳурии Тоҷикистон ба мухбири АМИТ «Ховар» иттилоъ доданд.
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
