Маълумотномаи нав барои муҳоҷирон

Душанбе, 18 январ. (АМИТ «Ховар», Ибодат Давлатова).-Аз ҷониби Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия маводи иттилоотӣ бо унвони «Маълумотномаи мухтасар барои муҳоҷирон» таҳия ва интишор гардид.Тавре ки ба мухбири АМИТ «Ховар» котиби матбуотии Намояндагии ХМ дар ФР хабар дод, дар он доир ба самтҳои асосии фаъолияти Намояндагии Хадамоти муҳоҷирати назди ҲҶТ дар ФР , аз ҷумла тартиб ва қоидаҳои будубош, фаъолияти меҳнатӣ, бастани шартномаҳои меҳнатӣ, тартиби гирифтани ҳуҷҷатҳои лозимӣ, бақайдгузорӣ, иҷозатномаи кор, патент, аҳамияти гирифтани суғуртаи тиббӣ, тартиби муроҷиат ба мақомоти дахлдор дар ҳудуди Федератсияи Русия иттиллои мухтасар ҷой дода шудааст. Ба гуфти манбаъ, маълумотномаи мазкур дар доираи фаъолияти ташвиқотию тарғиботии Намояндагӣ бо мақсади баланд бардоштани сатҳи маърифати ҳуқуқии муҳоҷирони меҳнатӣ бо забони тоҷикӣ дар шакли соддаю оммафаҳм таҳия ва нашр шуда, барои доираи васеи муҳоҷирон пешбинӣ шудааст Дар маълумотнома суроға ва рақамҳои телефонҳои шабонарӯзии Намояндагӣ дар ФР нишон дода шудааст, ки ҳар як муҳоҷир метавонад бевосита ба кормандони масъули Намояндагӣ муроҷиат намуда, доир ба ҳалли мушкилоташ кӯмак пурсад.