Намоиши китобҳои навин

Душанбе, 8 январ. (АМИТ «Ховар» Зарангез Латифова).- Имрӯз дар Китобхонаи миллии Тоҷикистон намоиши китобҳои наву маҷаллаҳои навтаъсис баргузор гардид. Дар он қариб 400 номгӯй китоб, аз ҷумла адабиёт доир ба фаъолияти Президенти Ҷумҳурии Тоҷикистон — китоби «Эмомалӣ Раҳмон ва оғози марҳилаи созандагӣ», «Эмомалӣ Раҳмон ва соли тамаддуни ориёӣ» ва дигар адабиёти навин ба намоиш гузошта шуда буд. Дар намоиш инчунин адабиёти иқтисодӣ, доир ба соҳаи табиатшиносӣ, техникӣ, санъат , ҷуғрофия, таърих, ҳуқуқ, филология, ки бо забонҳои тоҷикӣ, русӣ, озарӣ, туркманӣ, ӯзбекӣ, қазоқӣ нашр гардидаанд, ба намоиш гузошта шуда буд Луғату қомусномаҳо, адабиёти хориҷӣ, адабиёти нодир низ бо забони русӣ пешкаши тамошобинон гардид. Дар назар аст намоишгоҳи мазкур тӯли як ҳафта давом кунад.