Ғалабаи «Истиқлол» бар «Оқтеппа»

Душанбе, 20 феврал. (АМИТ «Ховар», Пайрав Назаров). — Дар ин рӯзҳо клубҳои лигаи олии Тоҷикистон ба мавсими нав тайёрӣ мебинанд. 19 феврал дастаҳои «Истиқлол» — и шаҳри Душанбе ва «Регар — ТадАЗ» — и шаҳри Турсунзода вохӯриҳои навбатӣ гузарониданд.Назар ба хабари сомонаи расмии дастаи «Истиқлол», футболбозони клуби пойтахт дар шаҳри Қайроққум бо дастаи «Оқтеппа» — и Қазоқистон вохӯрда, бо ҳисоби 4 бар 2 ғалаба карданд.Дастаи «Истиқлол» 21 феврал бо дастаи «Эсхата» — и шаҳри Хуҷанд вомехӯрад. Клуби «Регар – ТадАЗ» — и шаҳри Турсунзода, ки ба мусобиқот барои дарёфти Ҷоми Конфедератсияи футболи Осиё тайёрӣ мебинад, дар шаҳри Белеки Туркия бо клуби «Младеноватс» — и Сербия вохӯрда, бо ҳисоби 1 бар 3 мағлуб шуд.