Ҳашар барои ободонӣ

Кӯлоб, 15 феврал. (АМИТ «Ховар», С.Холов). – Бо мақсади тозаву озода намудани маҳалли зист ва ободу зебо гардонидани кӯчаву хиёбонҳои маркази ноҳия сокинони ҷамоати Маскави ноҳияи Мир Сайид Алии Ҳамадонӣ дар ҳамкорӣ бо кормандони корхонаи фаръии хоҷагии манзилию коммуналии ноҳия барои шинонидани дарахтони гуногуни мевадиҳандаю ороишӣ, гулу гулбуттаҳои мавсимӣ ва тоза намудани партовгоҳҳои кӯчаҳо ба ҳашар баромаданд. Сокинони ноҳия бо ҳисси ифтихор аз дастовардҳои солҳои истиқлолият дар ҳашарҳои дастаҷамъона ва дигар чорабиниҳо ширкат варзида, дар ободу зебо гардонидани кӯчаву маҳалла ва хиёбону гулгаштҳои маҳали зисти хеш саҳми хешро мегузоранд.