Ҳ. Зарифӣ ба Коҳира рафт

Душанбе, 5 феврал. (АМИТ «Ховар»).-5 феврали соли 2013 вазири корҳои хориҷии Ҷумҳурии Тоҷикистон Ҳамрохон Зарифӣ ҷиҳати иштирок дар 12-умин нишасти сарони кишварҳои аъзои Созмони ҳамкории исломӣ, ки аз 6 то 7 феврали соли 2013 барпо мешавад, ба Қоҳира сафар намуд.  Дар ҷараёни иҷлосияи мазкур суханронии вазири корҳои хориҷӣ пешбинӣ гардидааст, ки дар он мавқеи Ҷумҳурии Тоҷикистон роҷеъ ба масъалаҳои муҳиме, ки бо онҳо кишварҳои аъзои Созмон рӯ ба рӯ шудаанд, инъикос хоҳад ёфт. Дар ҳошияи нишаст инчунин баргузории мулоқоти дуҷонибаи вазири корҳои хориҷии кишвари мо бо намояндагони кишварҳои аъзои СҲИ дар назар аст. Дар ин бора ба АМИТ «Ховар»аз Раёсати иттилоот, матбуот, таҳлил ва тарҳрезии ВКХ ҶТ хабар доданд.