Ҷилавгирӣ аз таъсири омилҳои хатарнок

Душанбе, 4 феврал.(АМИТ «Ховар», Марзия Саидова).- Ояндаи наздик палатаи поёнии парлумони мамлакат –Маҷлиси намояндагон ба лоиҳаи Қонуни Ҷумҳурии Тоҷикистон «Дар бораи маҳдуд намудани истифодаи маҳсулоти тамоку» тағйиру илова ворид менамояд. Лоиҳаи қонуни мазкур 4 феврал дар ҷаласаи Шӯрои палатаи поёнии парлумони ҷумҳурӣ, ки таҳти раёсати Шукурҷон Зуҳуров –раиси Маҷлиси намояндагон доир гардид, баррасӣ шуд. Зикр гардид, ки ҳадаф аз ворид намудани тағйиру илова ба лоиҳаи Қонуни Ҷумҳурии Тоҷикистон «Дар бораи маҳдуд намудани истифодаи маҳсулоти тамоку» таъмину ташаккули тарзи ҳаёти солим, ҷилавгирӣ аз таъсири омилҳои хатарноки маҳсулоти тамоку ба саломатии инсон, инчунин танзими муомилоти маҳсулоти тамоку дар ҷумҳурӣ мебошад.