2562 медали варзишгарони Суғд аз мусобиқоти варзишӣ

Душанбе, 27 феврал. (АМИТ «Ховар», Бекназари Абӯбакр). — Соли 2012-ум 1226 нафар варзишгари вилояти Суғд, аз ҷумла 137 нафар бонувон, дар мусобиқоти ҷумҳуриявию байналхалқӣ иштирок ва 2562 медалро соҳиб гардиданд, ки аз рушди варзиш дар вилоят гувоҳӣ медиҳад. Ин нукта 25 феврал зимни мулоқоти раиси вилояти Суғд Қоҳир Расулзода бо собиқадорони соҳаи варзиш, мураббиён ва варзишгарони вилоят зикр гардид. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки раиси вилоят ба истифода додани майдончаи яхи сунъӣ, сохтмони толори варзишии дорои 3 ҳазор ҷои нишаст дар Хуҷанд ва таъмиру навсозии варзишгоҳи шаҳри Исфара, идрорпулии раиси вилоят барои варзишгаронро далели таваҷҷуҳи зиёд ба соҳаи варзиш арзёбӣ кард.