Баҳси нашъамандӣ дар ду литсеи техникии пойтахти кишвар

Душанбе, 25 феврал. (АМИТ «Ховар», Ибодат Давлатова).-Ин ҳафта кормандони Агентӣ якҷо бо намояндагони Вазорати маорифи Ҷумҳурии Тоҷикистон ду мулоқот дар мавзӯи пешгирии нашъамандӣ бо донишҷӯёни литсеи касбию техникии рақамҳои 28, 30 шаҳри Душанбе баргузор намуданд. Тавре ки ба мухбири АМИТ «Ховар» аз Агентии назорати маводи нашъаовари назди Президенти Ҷумҳурии Тоҷикистон хабар доданд, чорабинии мазкур ба пешгирии нашъамандӣ, ВИЧ/СПИД ва таблиғи тарзи зиндагонии солим миёни ҷавонони донишҷӯ равона шуда буд ва ҳадаф аз он муколама сари ин мавзӯъҳои доғ бо донишҷӯён буд, ки ҳамзамон масъалаҳои вобаста ба мушкилоти ҷавонон низ мавриди баҳсу баррасӣ қарор гирифт. Ҳамчунин ба иштироккунандагон саволҳои зиёде дар мавриди навъҳои гуногуни маводи мухаддир пешкаш шуд, аз онҳо дар мавриди роҳу равишҳои пешгирӣ аз нашъамандӣ ва гирифторӣ ба бемориҳо ва маризиҳои сироятӣ, аз ҷумла ВИЧ/СПИД пурсида шуд.