Чанд хабар аз хориҷи кишвар

Сардии ҳаво дар Австрия Душанбе, 2 феврал. (АМИТ «Ховар»).- Қисми марказии Аврупоро сардии шадид фаро гирифтааст. Аз ин ҳолат бештар сокинони Австрия ранҷ мекашанд. Тавре ки ВАО Австрия мегӯянд, ки нақлиёти ҷамъиятӣ аз фаъолият бозмонда, дар толорҳои фурудгоҳҳо ва роҳи оҳан садҳо мусофирон интизорӣ мекашанд. Боришоти беист имкон намедиҳад, ки кормандони хадамоти коммуналӣ фаъолияти худро дар сатҳи зарурӣ пеш баранд. Бояд гуфт, ки қабати барф дар баъзе мавзеъҳо то якуним метрро ташкил медиҳад. Ҳукуматдорони кишвар кӯшиш ба харҷ медиҳанд, ки ҳарчи зудтар аз тамоми имкониятҳои мавҷуда истифода бурда, сокинонро аз сардии ҳаво эмин нигоҳ доранд.Намоиши автомобилҳо дар Амрико Душанбе, 2 феврал. (АМИТ «Ховар»).- Дар штати Детройти ИМА намоиши байналмилалии автомобилҳо баргузор гардид. Гуфта мешавад, ки намоиши байналмилалӣ 17-уми январи соли 2012 оғоз гардида, то 17 феврали соли 2013 идома меёбад. Хоҳишмандон метавонанд автомобилҳои нави ширкатҳои бузурги Оламро тамошо кунанд. Мувофиқи иттилои манбаъ дар маҷмуъ ширкатҳои мамлакатҳои дунё 60 автомобили худро ба маърази тамошо гузоштаанд. Коршиносон бар он ақидаанд, ки эҳтимол соли равон танҳо дар Ҷумҳурии Мардумии Чин 20 миллион автомобили нав фурўхта шавад. Ҳарчанд Аврупо аз рўйи хариди автомобил дар ҷойи дуюм қарор дорад, лекин дар мамлакатҳои Иттиҳод вобаста ба буҳрони молӣ хариди автомобилҳои нав мунтазам коҳиш меёбад. Дар Иёлоти Амрико соли гузашта фурўши автомобил 13 дарсад боло рафта, мувофиқи пешгўии мутахассисон ин нишондод ба 15 дарсад хоҳад расид. Тарҷумаи Иброҳими Ҳабибуллоҳ