Дастаи футзали Тоҷикистон дар зинаи 57-уми рейтинги ҷаҳонӣ

Душанбе, 19 феврал. (АМИТ «Ховар», Баҳманёр Муродов).- Дастаи мунтахаби Тоҷикистон оид ба футзал новобаста аз ноком шуданаш дар мусобиқаи охирини Ҷоми Осиё дар рейтинги нави ҷаҳонӣ бо касби 992 имтиёз байни дастаҳои мунтахаби зиёда аз 150 давлати сайёра дар зинаи 57-ум қарор гирифт. Ҳамчунин байни давлатҳои ИДМ Тоҷикистон дар зинаи 8-ум қарор дошта, мавқеи дастаи мунтахаби кишвар аз дастаҳои Гурҷистон, Литва, Молдова, Туркманистон, Арманистон ва Эстония болотар аст. Ҷойҳои нахустинро дар ин рӯйхат дастаҳои мунтахаби Бразилия, Испания, Италия ва Русия касб кардаанд.