Иштироки ҷанговарони интернатсионалист дар гузашти низомӣ

Душанбе, 18 феврал. (АМИТ «Ховар», Марҳабо Зунунова). – Дар гузашти низомӣ бахшида ба 20 – солагии таъсиси Қувваҳои Мусаллаҳи Тоҷикистон, ки 23 феврал дар майдони асосии пойтахт баргузор мегардад, 150 нафар ҷанговарони интернатсионалисти шаҳри Душанбе ва ноҳияҳои тобеи ҷумҳурӣ иштирок мекунанд. Ин хабарро сардори маркази матбуоти Вазорати мудофиаи Ҷумҳурии Тоҷикистон подполковник Фаридун Маҳмадалиев тасдиқ намуд. Қобили зикр аст, ки дар гузашти низомии қӯшунҳо бори нахуст хидматчиёни ҳарбӣ аз ҷумлаи занон — кормандони дастгоҳи марказии Вазорати мудофиаи Ҷумҳурии Тоҷикистон ва сарситоди Қувваҳои Мусаллаҳи ҶТ ширкат мекунанд.