Истеҳсоли маҳсулот меафзояд

Душанбе, 19 феврал. (АМИТ «Ховар», Покиза Маҳмадбекова). – Моҳи январи соли ҷорӣ ҳаҷми маҳсулоти саноатии минтақаи озоди иқтисодии «Суғд» беш аз 379 ҳазор сомониро ташкил дод. Мувофиқи маълумоти Агентии омори назди Президенти Ҷумҳурии Тоҷикистон тайи давраи гузашта дар минтақаи озоди иқтисодии «Суғд» чор корхонаи саноатӣ фаъолият дошт. Назар ба маълумоти оморӣ, соли 2012 минтақаҳои озоди иқтисодии Тоҷикистон ба маблағи умумии беш аз 17 миллиону 356 ҳазор сомона маҳсулот истеҳсол намуданд.То имрӯз дар Тоҷикистон чор минтақаи озоди иқтисодӣ аз қабили «Суғд», «Панҷ», «Данғара» ва «Ишкошим» фаъолият доранд.