Мактаб 90 — сола мешавад

Турсунзода, 7 феврал. (АМИТ «Ховар», Ҳотам Рабиев).-Аз таъсиси мактаби таҳсилоти миёнаи умумии рақами 12 ба номи Носирҷон Маъсумии деҳаи Қаротоғ қариб 90 сол сипарӣ мегардад. Аз ҷумлаи нахустин хонандагони мактаб устод Мирзо Турсунзода, Ҳамид Обидӣ буданд, ки баъдтар ифтихори миллати тоҷик гардиданд. Шогирдони мактаби мазкур дар тамоми соҳаҳои зиндагӣ фаъолияти пурсамар дошта, дар рушду шукуфоии Тоҷикистон ҳиссаи арзанда доранд.Агар мактаб дар солҳои аввали ташкилёбиаш ҳамагӣ 60 нафар хонанда дошт, алҳол теъдоди хонандагон ба 1245 нафар расидааст. Дар мактаб зиёда аз 60 нафар омӯзгори соҳибтахассус ба таълиму тарбияи насли наврас машғуланд.