Мулоқоти масъулин бо сокинон атрофи чист?

Душанбе, 8 феврал.(АМИТ «Ховар», Марзия Саидова).-Аз 11 феврал то 5 июни соли равон дар маҳаллаю шаҳракҳои пойтахт вохӯрию мулоқоти роҳбарону масъулини шаҳри Душанбе бо сокинони пойтахт баргузор мегардад. Дар ин хусус Маҳмадсаид Убайдуллоев –раиси шаҳри Душанбе қарор ба тасвиб расонд. Ин тадбир бо мақсади таҳкими робита бо сокинони пойтахт, институтҳои шаҳрвандӣ, густариши раванди бунёдкорию ободонӣ бо иштироки аҳли ҷомеа, субъектҳои соҳибкорию хизматрасонӣ, корхонаю муассиса ва идораҳои дар қаламрави шаҳр фаъолияткунанда андешида шуда, ҳамзамон он ҷиҳати амалисозии нақшаҳои тарҳрезишудаи соли омодагиҳо ба ҷашни 90-солагии шаҳри Душанбе мусоидат менамояд. Ҷиҳати дар сатҳи баланд гузаронидани вохӯриҳо аз ҷониби шаҳрдорӣ ҷадвали замимагардидаи вохӯриҳо дар маҳаллаю шаҳракҳои пойтахт таҳия шудааст.   Назорати иҷрои қарори марбута ба зиммаи Фирӯз Ӯлмасов-роҳбари дастгоҳи раиси шаҳри Душанбе вогузор шудааст.