Нархи маводи сӯхт арзон шуд

Душанбе, 26 феврал. (АМИТ «Ховар», Покиза Маҳмадбекова). – Марказҳои маводи сӯхти пойтахт нархи бензини навъи АИ-92 ва АИ-95 – ро арзон намуданд.Мувофиқи маълумоти Вазорати рушди иқтисод ва савдои кишвар, то имрӯз нархи бензини навъи АИ-92-ум 6 сомонию 20 дирамро ташкил медиҳад. Нархи бензини навъи АИ-95 низ арзон шуда, ҳоло 6 сомонию 80 дирамро ташкил медиҳад. Моҳи январ арзиши 1 литр бензин ва сӯзишвории дизелӣ дар марказҳои маводи сӯхти кишвар аз 6 сомонию 70 дирам то 7 сомониро ташкил доданд.Мувофиқи маълумоти Вазорати рушди иқтисод ва савдои Тоҷикистон талаботи солонаи ҷумҳурӣ ба маводи сӯхт 1 миллиону 605 ҳазор тоннаро ташкил медиҳад. Тоҷикистон маводи сӯхтро асосан аз Русия, Туркманистон, Қирғизистон ва Ӯзбекистон ворид менамояд.