Озмун барои рӯзноманигорон

Душанбе, 5 январ. (АМИТ «Ховар», Ибодат Давлатова).-Маркази матбуоти Вазорати тандурустии ҶТ дар ҳамкорӣ бо лоиҳаи ЮСАИД “Тандурустии босифат», ки аз ҷониби намояндагии ИМА оид ба рушди байналхалқӣ маблағгузорӣ мешавад, дар соҳаи рўзноманигории ВАО Тоҷикистон барои мақолаи беҳтарин дар нашрияҳо ва сомонаҳои интернетӣ, барномаҳои радио ва телевизион ва роликҳои иҷтимоӣ оид ба бемории сил ва сироятҳои ҳамбастаи БС/ВНМО барои дастгирии «Барномаи Миллии ҳимояи аҳолӣ аз бемории сил» озмун эълон менамояд.Тавре ки ба мухбири АМИТ «Ховар» аз Вазорати тандурустӣ иттилоъ доданд, ба озмун бояд маводе, ки аз 10 марти соли 2012 то 10 марти соли 2013 ба табъ расидаанд, ё пахш шудаанд, пешниҳод шаванд. Ғолибонро дар 4 номгўй мукофотҳо интизоранд.