Падидаи нек

Душанбе, 19 феврал. (АМИТ «Ховар», Ҳотам Рабиев).- «Асири зиндагӣ»- чунин ном дорад китоби адибаи ҷавону умедбахш Махфират Юсуфӣ, ки аз тариқи нашриёти «Шаҳпар» дастраси хонандагон гардид. Дар китоб шеъру ғазалҳои пурмазмуни дар солҳои охир эҷоднамудаи Махфират Юсуфӣ ва як қиссаи ҷолибу хондании ӯ бо номи «Доғи дил» мунташир ёфтааст. Хонандагон Махфират Юсуфиро қаблан бо маҷмӯаҳои «Гаҳворабони ғам», «Гули ёс», «Гӯётар аз садо», «Печутоби сарнавишт» мешиносанд. Махфират Юсуфӣ узви Иттифоқи нависандагони Тоҷикистон буда, муҳарририи барномаҳои «Субҳ»-и радиои Тоҷикистонро ба зимма дорад.