Шаҳрванди 8 миллионумини Тоҷикистон ба дунё омад

Душанбе, 6 феврал. (АМИТ «Ховар»).- Дирӯз дар таваллудхонаи шаҳрии №3- и шаҳри Душанбе шаҳрванди 8 миллионумини Тоҷикистон ба дунё омад.Дар ин бора ба маркази матбуоти Вазорати тандурустии Ҷумҳурии Тоҷикистон сартабиби таваллудхонаи шаҳрии №3 Саломат Гулаҳмадова хабар дод. «Духтарча рӯзи 5 феврали соли 2013, соати ҳафти субҳ ба дунё омад, қадаш 48 сантиметр ва вазнаш 2 кг 740 грамм мебошад. Дар айни ҳол саломатии модару кӯдак хуб аст», — хабар дод ӯ.Модари ин духтарчаи хушбахт Майсара Шарифова ва падараш Раҳмоналӣ Раҳмонов, сокинони кӯчаи Ҳисории шаҳри Душанбе мебошанд. Ин тифл дар оила фарзанди нахустин аст.