«Шоҳон-Зиғар»: марҳилаи сеюми корҳо ба итмом мерасад
Душанбе, 4 феврал. (АМИТ «Ховар», Кристина Эрлих).-Марҳилаи сеюми корҳо дар роҳи мошингарди «Шоҳон-Зиғар» идома дорад ва дар чаҳорчӯби он бунёди 18 км роҳи дигар боқӣ мондааст. Бо шарофати ба ин қитъаи сохтмонӣ дастрас гардидани таҷҳизоти нав ва техникаи махсус корҳо тибқи нақша ҷараён доранд. Тавре ки ба хабарнигори АМИТ «Ховар» аз Маркази татбиқи лоиҳаи сохтмони роҳи мошингарди «Шоҳон-Зиғар»-и Вазорати нақлиёти ҶТ хабар доданд, техникаҳои махсусгардонидашуда на танҳо имкон доданд, ки корҳои сохтмонӣ суръат гиранд, балки тавассути онҳо сифати корҳо низ беҳтар мегарданд. Дар сохтмони роҳи мошингард 57 адад техникаи гуногун сафарбар гардидааст. Мавриди зикр аст, ки пудратчии генералии сохтмони роҳи мошингард ширкати эронии «Собир» маҳсуб мешавад. Давомнокии марҳилаи сеюми лоиҳа 18,7 километрро ташкил медиҳад. Муҳлати татбиқи лоиҳа 2 сол аст. Лоиҳа аз ҳисоби маблағҳои молиявии Бонки исломии рушд ва ҳукумати Тоҷикистон татбиқ мешавад. Дарозии роҳ дар маҷмуъ 34 километрро ташкил медиҳад. Арзиши лоиҳа бо назардошти се марҳила 34 миллион доллари ИМА-ро дар бар мегирад. «Дар назар аст, ки иншоот дар семоҳаи чоруми соли ҷорӣ ба истифода дода шавад»,-хабар дод манбаъ.
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
