Шумораи аъзои ҲХДТ ба 200 ҳазор нафар расид

Душанбе, 26 феврал. (АМИТ «Ховар», Баҳманёр Муродов). –Шумораи умумии аъзои Ҳизби халқии демократии Тоҷикистон ба 200 ҳазор нафар расидааст. Дар ин бора сомонаи расмии ин ҳизб иттилоъ дода афзудааст, ки шаҳодаnномаи узвиятро ба узви 200000-уми ҳизб — Дилафрӯз Камолова муовини Раиси ҲХДТ Асрор Латипов дар як маросими мутантан дар Қасри фарҳанги ноҳияи Рашт супорид. Гуфта мешавад Дилафрӯз Камолова, ки ба ҳайси духтури занона дар беморхонаи марказии ноҳияи Рашт фаъолият дорад, аз ҷониби роҳбарияти ҲХДТ ҳамчунин бо туҳфаи хотиравӣ сарфароз гардидааст.Бояд зикр кард, ки ҲХДТ соли 1994-ум таъсис ёфта, роҳбарии онро Президенти кишвар—Эмомалӣ Раҳмон ба уҳда дорад ва ҳудуди 40-дарсади аъзои ҳизбро ҷавонон ташкил медиҳанд.