Соле қабл нашъамандон бештар ҷинояти мухаддиротӣ содир кардаанд
Душанбе 21 феврал. (АМИТ «Ховар», Ибодат Давлатова).-Соли гузашта касоне, ки бо ташхиси “нашъамандӣ” барои ҷиноятҳои мухаддиротӣ маҳрум аз озодӣ шудаанд, дар қиёс ба як соли пеш 14,6% афзудааст. Дар ин бора оморе хабар медиҳад, ки ахиран шуъбаи таҳлилии Агентии назорати маводи нашъаовари назди Президенти Ҷумҳурии Тоҷикистон ироа кардааст. Дар маҷмуъ соли 2012 дар Ҷумҳурии Тоҷикистон барои содир намудани ҷиноятҳои умумӣ 8467 нафар маҳкум шудаанд. Аз ин ҳисоб теъдоди маҳкумшудагон ба ҷиноятҳои алоқаманд ба муомилоти ғайриқонунии маводи мухаддир 1054 нафар будааст, ки он 7% бештар аз соли 2011 аст. Аз соли 2009 теъдоди занони маҳкумшуда барои ҷиноятҳои мухаддиротӣ рӯ ба коҳиш овардааст. Аммо шумораи ин гуна афрод аз ҷумлаи касони қаблан доғи судидошта собит боқӣ мондааст. Ҳамзамон дар соли 2012 теъдоди афроде, ки судҳои кишвар барои такрори ҷиноятҳои мухаддиротӣ аз озодӣ маҳрум кардаанд, 47% коҳиш ёфтааст.Дар ин бора ба мухбири АМИТ «Ховар» аз Агентии назорати маводи нашъаовари назди Президенти Ҷумҳурии Тоҷикистон иттилоъ доданд.
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
«ТОҶИКОНА МЕПӮШЕМ!». Донишҷӯён ва кормандони Академияи идоракунии давлатӣ фарҳанги либоспӯшии миллиро тарғиб менамоянд
Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
КИРМАКПАРВАРӢ. Сокини ноҳияи Ҷайҳун ҳамасола аз 100 то 110 килограмм пилла месупорад
Имрӯз дар Душанбе ҳаво то 22 дараҷа гарм мешавад
Судяҳои Тоҷикистон дар Остона дар конфронси байналмилалӣ иштирок намуданд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
Дар Тоҷикистон Форуми амниятии Осиёи Марказӣ баргузор мегардад
Имрӯз дар Тоҷикистон ҳавои тағйирёбанда пешгӯӣ мешавад
ТАҚВИМИ АМИТ «ХОВАР»: имрӯз 9 апрел, панҷшанбе, 99-умин рӯзи соли 2026 аст
