Вохӯрии донишҷӯёни тоҷик бо шоир А. Афғонов

Душанбе, 26 феврал. (АМИТ «Ховар», Марҳабо Зунунова). – Дар шаҳри Краснодари Русия ба ифтихори Рӯзи муҳофизи Ватан дар Маркази фарҳанги миллии «Меҳри сомониён» — и тоҷикон маҷлиси вохӯрии аъзои «Клуби студентони тоҷик» бо шоири русзабон Алексей Амиршоевич Афғонов баргузор гардид. Дар ин бора аз дафтари матбуоти Намояндагии Хадамоти муҳоҷирати Ҷумҳурии Тоҷикистон дар Федератсияи Русия ба АМИТ «Ховар» хабар доданд.Аз ашъори Алексей Афғонов навои назми шоирони Шарқу Ғарб аз қабили Ҳофизи Шерозӣ, Умари Хайём, Александр Пушкин, Сергей Есенин, Лоиқ Шералӣ ва шоирони дигари русу тоҷик ба гӯш мерасад. Алексей Афғонов зимни суханрониаш ба муҳоҷирону донишҷӯёни тоҷики сокини Русия маслиҳатҳои муфид дода, аз бурду бохти эҷодиёташ нақл кард.