Вохӯрии Сафири Тоҷикистон бо Президенти ТИКА
Душанбе, 14 феврал. (АМИТ «Ховар»).- Мулоқоти Сафири Фавқулодда ва Мухтори Ҷумҳурии Тоҷикистон дар Ҷумҳурии Туркия Фаррух Шарипов бо Президенти Агентии ҳамкории байналмилалии Туркия (ТИКА) доктор Сердар Чам 12 феврал баргузор гардид. Зимни мулоқот ҷонибҳо масоили ҳамкорӣ дар соҳаҳои маориф, тандурустӣ, кишоварзӣ, иқтисодӣ ва тайёр намудани мутахассисонро дар бахшҳои мазкур ва ҷалби сармоягузорони туркро ба иқтисодиёти Тоҷикистон мавриди баррасӣ қарор доданд. Сердар Чам хотиррасон намуд, ки соли ҷорӣ ТИКА дар шаҳри Душанбе Маркази ташхис ва табобати саратон барои кӯдакон ва мактаби миёнаро дар шаҳри Данғара расман ифтитоҳ хоҳад кард. Қобили зикр аст, ки Агентии ҳамкории байналмилалии Туркия дар назди Сарвазири Туркия мебошад ва аз номи Ҳукумати Туркия ба соҳаҳои гуногун, аз ҷумла маориф, тандурустӣ, тиҷорат, обу энергетикаи кишварҳои Осиё ва Африқо кӯмак мерасонад. ТИКА аз соли 1992 бо Тоҷикистон ҳамкорӣ намуда, соли 1995 Намояндагии худро дар шаҳри Душанбе кушодааст.
5 феврал дар якчанд кумита, Академияи миллии илмҳо, Агентии назорати давлатии энергетикӣ ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор мегардад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
