Ҳолати бехатарии сӯхтор дар Муъминобод

Кӯлоб, 30 март. (АМИТ «Ховар», С.Холов). – Масъулини дидбонгоҳи алоҳидаи ҳарбикунонидашудаи Хадамоти давлатии оташнишонии ноҳияи Муъминобод дар давоми се моҳ 204 адад иншооти гуногуни хоҷагии халқро санҷида, ба роҳбарон ва шахсони мутасаддӣ барои бартараф кардани камбудиҳои ҷойдошта амрнома пешниҳод карданд. Мавриди зикр аст, ки дар давоми 3 моҳи соли ҷорӣ дар ноҳия 2 ҳодисаи сӯхтор ба қайд гирифта шуда, зарари он 7517 сомониро ташкил дода, молу амволи аз сӯхтор наҷот дода 3500 сомонӣ мебошад. Гуфта мешавад масъулини хадамот дар якҷоягӣ бо кормандони шуъбаи корҳои дохилӣ, шабакаҳои барқӣ санҷишҳои муштарак гузаронида, дар ҷамъомадҳои деҳот ва мактабҳои таҳсилоти ҳамагонӣ бо аҳолӣ ва хонандагон барои пешгирии ҳодисаҳои сӯхтор вохӯрӣ доир менамоянд.