БДА хабар медиҳад

Душанбе, 12 март. (АМИТ «Ховар», Музаффар Рустамов).– Раёсати БДА ВКД Ҷумҳурии Тоҷикистон ба диққати шаҳрвандон мерасонад, ки рўзи 13 марти соли равон аз соати 09.40 то 10.00, аз 12.00 то 13.00, аз 15.00 то 15.10, 15.40 ва 19.50 ҳаракати воситаҳои нақлиёт дар хиёбони Рўдакӣ манъ мешавад. Ронандагони воситаҳои нақлиёт метавонанд аз кўчаҳои Карамов, Ҳофизи Шерозӣ, Шотемур, Дўстии Халқҳо ва Айнӣ истифода баранд. Ҳамчунин рўзи 14 марти соли равон аз соати 09.20 то 11.00 ҳаракати воситаҳои нақлиёт дар хиёбони Рўдакӣ ва аз соати 12.45 то 13.30 дар хиёбони Рўдакӣ, Айнӣ, Аҳмади Дониш аз чорроҳаи кӯчаи А.Дониш-Айнӣ то Фурудгоҳ, дар хиёбони И.Сомонӣ аз чорроҳаи кӯчаҳои И.Сомонӣ-Сино то И.Сомонӣ-Рӯдакӣ манъ мешавад.Ронандагони воситаҳои нақлиёт метавонанд тавассути кўчаҳои Карамов, Ҳофизи Шерозӣ, Шотемур, Дўстии Халқҳо ва Айнӣ ҳаракат кунанд. Дар ин бора сардори шуъбаи ташвиқоту тарғиботи Раёсати Бозрасии давлатии автомобилии Вазорати корҳои дохилии ҶТ Махмадшариф Шамсов иттилоъ дод.