Чанд хабар аз хориҷи кишвар

Авҷи бекорӣ дар Фаронса Душанбе, 06 март .(АМИТ «Ховар»).-Мувофиқи иттилои Вазорати меҳнати Фаронса дар мамлакат аз моҳи январи соли 2012 то 4-марти соли 2013 шумораи бекорон ба 43 ҳазору 900 нафар расид. Бояд зикр кард, ки аз соли 2010 то инҷониб шумораи бекорон ба 3 милиону 169 ҳазор кас расидааст. Ба ақидаи коршиносон шумораи бекорон дар Фаронса дар тӯли 3 сол 10,5 дарсад афзоиш ёфт. Маълумоти омории Британияи Кабир Душанбе, 06 март .(АМИТ «Ховар»).-Хадамоти омории Британияи Кабир дар нишасти матбуотӣ ба хабарнигорони дохили кишвар хабар дод, ки маҷмӯи маҳсулоти дохилии мамлакат дар семоҳаи аввали соли 2013-ум 3 дарсад коҳиш ёфт. Ба ақидаи коршиносон феълан иқтисодиёти Британияи Кабир дар ҳолати хуб қарор дорад. Ҳукуматдорон ба мардуми кишвар ваъда медиҳанд, ки то ҷамъбасти соли 2013 камбудиҳои дар пеш истодаро ба итмом расонанд. Амалиёти ҳифзи ҳуқуқ дар Афғонистон Душанбе, 06 март .(АМИТ «Ховар»).-Мувофиқи иттилои шабакаи интернетии «Ҳамшаҳриком» дар қисми ҷануби вилояти Қандаҳори Афғонистон як гуруҳ кормандони мақомоти ҳифзи ҳуқуқ зимни безараргардонии як гуруҳ ҷинояткорони хавфнок қарор гирифтанд. Дар вақти ҳодиса 3 намояндаи полис ба ҳалокат расида, чанд каси дигар ҷароҳатҳои гуногун бардоштанд. Аз тарафи ҷинояткорони хавфнок низ 5 нафар безарар гардонида шуда, 1 нафар дастгир шудааст. Тарҷумаи Иброҳими Ҳабибуллоҳ