Чанд хабар аз хориҷи кишвар

Вохӯрии Барак Обама бо намояндагони ҳизби ҷумҳурихоҳон  Душанбе, 14 март .(АМИТ «Ховар»).- Президенти ИМА Барак Обама вобаста ба ҳалли мушкилоти иқтисодӣ бо намояндагони ҳизби ҷумҳурихоҳон вохӯрӣ доир намуд. Ба ақидаи Президенти кишвар дар сурати наандешидани тадбирҳои зарурӣ мамлакат ба буҳрони молӣ дучор хоҳад омад. Мувофиқи пешниҳоди президент Барак Обама бояд ҳаҷми андоз нисбат ба ширкатҳое, ки ба коркарди нафту газ машғуланд, баланд бардошта шуда, хароҷоти буҷаи ҳарбӣ коҳиш дода шавад. Ҳамзамон Президент пешниҳод дорад, ки хароҷот ба соҳаи маориф,тандурустӣ ва барномаҳои иҷтимоӣ кам карда шавад. Мувофиқи нақша барои ҳалли мушкилоти ба амаломада бояд Амрико хароҷоти давлатиро дар ҳаҷми 85 миллиард доллар коҳиш диҳад, ки ин баробари 2,5 дарсади даромади солонаи буҷаи ин мамлакат мебошад. Мағлуб шудани Беппе Грило Душанбе, 14 март .(АМИТ «Ховар»).-Ҳаҷвнигор Беппе Грилло пас аз мағлуб шудан дар интихоботи парлумонии Италия дар блоги интернетии худ изҳор доштааст, ки ҳукумати таъсисдодаи чапгароёнро бо роҳбарии Пйер Луиҷи Берсанӣ дастгирӣ нахоҳад кард. Дар интихоботи порлумонӣ Беппе Грилло танҳо 4 дарсади овози райъдиҳандагонро соҳиб шуд. Чапгароён бо роҳбарии ҳизби демократҳо Пйер Луиҷи Берсанӣ бо андак афзалияти овозҳо нисбат ба ҳизбҳои дигар дар интихобот ғолиб омаданд. Ба ақидаи роҳбарони кишвар агар ҳизбҳо дар бораи таъсиси ҳукумати нав ба хулосаи аниқ наоянд, пас президенти Италияро лозим меояд, ки ҳукумати навро ташкил намояд. Тарҷумаи Иброҳими Ҳабибуллоҳ