Мусобиқаи футболи хурд бахшида ба ҷашни Наврӯз

Душанбе, 4 март. (АМИТ «Ховар», Баҳманёр Муродов). — Аз 9-ум то 31-уми март бо ибтикори вазири корҳои дохилии Тоҷикистон генерал-лейтенант Рамазон Раҳимов мусобиқаи футболи хурд байни дастаҳои мақомоти ҳифзи ҳуқуқ, идораҳои давлатӣ ва корхонаю муассисаҳои кишвар баргузор мегардад. Бино ба иттилои сомонаи расмии Вазорати корҳои дохилӣ ин мусобиқа зери шиори «Тоҷикистон ватани Наврӯз аст» бахшида ба иди байналмилалии Наврӯз дар варзишгоҳи «Спитамен»-и вазорат гузаронида шуда, ғолибон бо туҳфаҳои арзишманд қадрдонӣ мешаванд. Гуфта мешавад дархостҳо барои иштирок дар ин мусобиқа то 7-уми март қабул мешаванд.