Нафақа дар Муъминобод дастрас аст

Муъминобод, 19 март. (АМИТ «Ховар», С.Холов). – Масъулини Агентии давлатии иҷтимоӣ ва нафақаи ноҳияи Муъминобод ба нафақагирон ва маъюбони ноҳия хизмати арзанда мекунанд.Дар ноҳия беш аз 6105 нафақагир буда, аз ин шумора 3287 нафар нафақаи пиронсолӣ ва 2062 нафар нафақаи маъюбӣ мегиранд ва талаботи нафақа дар ду моҳи соли ҷорӣ 2 млн. 215 ҳазору 700 сомониро дар бар мегирад. Дар давоми ду моҳи соли ҷорӣ ба раёсат 93 ариза барои таъйини нафақа, 39 маълумотномаи музди меҳнат барои тасдиқ, инчунин беш аз 346 арзу шикоят ворид гаштааст, ки аз тарафи кормандони раёсат пурра ҳалли худро ёфт. Мавриди зикр аст, ки дар ду моҳи соли ҷорӣ аз тарафи мутахассисони раёсат 83 санҷиш оид ба ҳисоби дурусти хароҷот аз ҳисоби маблағҳои суғуртаи иҷтимоӣ гузаронида шуда, дар натиҷа 5282 сомонӣ ворид шудааст.