Наврӯзии ҳунарпешагони тоҷик дар Туркия

Анқара, 28 март. (АМИТ «Ховар», Фарангис Раҳимова). – Гурӯҳи ҳунарпешагони тоҷик ба ифтихори иди Наврӯз дар чорабиниҳо бахшида ба ин ид дар Туркия ширкат дорад. Ин чорабиниҳо дар 20 шаҳри Туркия бо иштироки 200 нафар ҳунарпешагони Тоҷикистон, Озарбойҷон, Қазоқистон, Қирғизистон, Ӯзбекистон, Туркманистон, Туркия ва кишварҳои дигари ҷаҳон роҳандозӣ мешаванд.Тавре ки аз Сафорати Тоҷикистон дар Туркия ба мухбири АМИТ «Ховар» хабар доданд, кишвари моро дар ин чорабиниҳо овозхони дастаи «Дарё» Қурбоналӣ Абдуллоев ва гурӯҳи дастаи «Зебо» намояндагӣ мекунанд.Консерти хотимавӣ бо иштироки ҳамаи гурӯҳҳои эҷодӣ 30 март дар шаҳри Адан баргузор мешавад.