Рӯзи умумиҷаҳонии об

Душанбе, 20 март. (АМИТ «Ховар»). – 22 март аҳли ҷаҳон Рӯзи умумиҷаҳонии об – 2013 — ро таҳти шиори «Оби тоза барои тансиҳатии мардуми ҷаҳон» қайд менамояд. Сафири ИМА Сюзан М.Эллиотт ва директори Агентии ИМА оид ба рушди байналмилалӣ дар Ҷумҳурии Тоҷикистон Кэтлин Макдоналд дар ҳошияи таҷлили ин рӯз дар маросими расми кушоди расмии дафтари Иттиҳодияи истифодабарандагони об дар ноҳияи Шаҳритус, шахсони расмии мақомоти ҳокимияти ноҳия, сокинони маҳаллӣ, ҳамчунин иҷрокунандагони ибтикороти ҳукумати ИМА иштирок намуданд. Иттиҳодияи истифодабарандагони об ба дастрасии доимии беш аз 22 ҳазор нафар сокинони ноҳия ба оби мавриди зарураташон мусоидат мекунад. Аз моҳи октябри соли 2010 дар ноҳияҳои Кӯлоб, Восеъ, Қубодиён, Шаҳритус, Носири Хисрав, Ҷалолиддини Румӣ, Ҷиликӯл ва Вахш 17 иттиҳодияи истифодабарандагони об таъсис ёфта буд, ки ин ба обёрии 42 ҳазор гектар замин мусоидат намуда, ба беш аз 280 нафар сокинон фоида меорад.