Сабқати «Равшан»-у «Регар-ТадАЗ» барои «Ҷоми хосса»

Душанбе, 14 март. (АМИТ «Ховар», Баҳманёр Муродов).-Мавсими нави футбол дар кишвар рӯзи 27-март дар варзишгоҳи марказии шаҳри Кӯлоб бо сабқати дастаҳои «Равшан»-и Кӯлоб ва «Регар-ТадАЗ»-и Турсунзода оғоз мегардад. Бино ба иттилои хадамоти матбуоти ФФТ «Равшан»—қаҳрамони мавсими гузашта ва «Регар-ТадАЗ»—барандаи «Ҷоми Тоҷикистон» барои дарёфти «Ҷоми хосса» ё худ «Суперкубок»-и кишвар вориди сабқат мешаванд. Гуфта мешавад дар таърихи футболи кишвар ин чорумин бозӣ барои дарёфти «Ҷоми хосса» буда, қаблан дастаи «Истиқлол» — и Душанбе се карат барандаи ин ҷом гардида буд.