Сафари кории Гул Шералӣ ба АМА

Душанбе, 15 март. (АМИТ «Ховар» Дилшодаи Хайрулло).-Рўзҳои 13 – 14 марти соли 2013 вазири энергетика ва саноати Ҷумҳурии Тоҷикистон Гул Шералӣ дар конфронси байналмилалии «Нафту гази Туркманистон», ки дар шаҳри Дубайи Амороти Муттаҳидаи Араб баргузор гардид, иштирок намуд. Дар чорабинӣ вазири энергетика ва саноати Ҷумҳурии Тоҷикистон Гул Шералӣ дар мавзӯи «Рушди ҳамкориҳои минтақавӣ дар соҳаи нафту газ» сухан гуфт. Дар доираи чорабинӣ бо М. Халилов – вазири саноати нафту газ ва захираҳои табиии Туркманистон , К. Абдуллоев – Раиси корхонаи давлатии «Туркменгаз», А. Деряев – раиси корхонаи «Туркменнафт», Матар Ҳамид Ал Неядӣ – муовини вазири энергетикаи Амороти Муттаҳидаи Араб ва Директори генералии ширкати Dragon Oil PLC Абдул-Ҷалил Ал Халифа ва дигарон вохўрӣ баргузор гардид. Зимни вохўриҳо масъалаҳои вобаста ба инкишофи истихроҷи карбогидратҳо, технологияҳои инноватсионӣ дар соҳаҳои истихроҷи нафту газ ва коркарди он ва ҷалби сармоягузорӣ дар самти корҳои ҷустуҷўию иктишофӣ ва истихроҷи конҳои нафту газ дар ҷумҳурӣ баррасӣ гардиданд.